Անցնող շաբաթվա այլ կարևոր իրադարձությունները ֆինանսական շուկաների համար

ԱՄՆ անձնական սպառողական ծախսերի գների ինդեքսն (PCE) ապրիլին տարեկան կտրվածքով աճել է 2.7%-ով, նախորդ ամսվա համեմատ՝ 0.3%-ով։

Եվրագոտու երկրներում գնաճը մայիսին տարեկան կտրվածով աճել է 2.6%-ով՝ նախորդ երկու ամիսներին գրանցված 2.4% գնաճից հետո, ինչը հիմնականում պայմանավորված է տարվա առաջին եռամսյակում աշխատավարձերի՝ սպասվածից բարձր աճով։

Համաշխարհային բաժնետոմսերի շուկայի ֆոնդերը մայիսի 29-ին ավարտվող շաբաթվա ընթացքում գրանցել են վերջին 5 շաբաթների ամենամեծ արտահոսքը՝ 4.9 միլիարդ դոլար, ինչը պայմանավորված է ԱՄՆ գանձապետական պարտատոմսերի եկամտաբերության աճով և ԱՄՆ գնաճի բարձր ցուցանիշով։

Բրիտանական FTSE 100 ֆոնդային ինդեքսը նվազել է 0.8%-ով՝ գրանցելով 2023թ.-ի օգոստոսից ի վեր ամենամեծ մեկօրյա անկումը։

Dow Jones և S&P 500 ինդեքսները ամսվա վերջում շուկայի մասնակիցների վերադիրքավորումների արդյունքում ուրբաթ օրն աճել են համապատասխանաբար 1.5 և 0.8 տոկոսային կետերով, ընդ որում, Dow Jones-ը գրանցել է 2023թ. նոյեմբերից ի վեր ամենամեծ մեկօրյա աճը։

finarm.am