Tesla-ի բաժնետոմսերը նվազել են՝ համընկնելով շուկայում նկատվող լայնածավալ անկման հետ, որն առաջացել է, երբ Moody’s Ratings-ը իջեցրել է ԱՄՆ-ի վարկունակության վարկանիշը։
Վերջին շաբաթների ընթացքում միջազգային առևտրային բանակցությունների վերաբերյալ լավատեսական լուրերը նպաստել են Tesla-ի բաժնետոմսերի արժեքի աճին՝ չնայած այն հանգամանքին, որ Եվրոպայի մի շարք երկրներում և Չինաստանում վաճառքի և գրանցումների ցուցանիշները նվազել են և չեն արդարացրել սպասելիքները։
Tesla-ի բաժնետոմսերը նվազել են ավելի քան 2%-ով, իսկ տարեսկզբից մինչ օրս շարունակում են մնալ նվազման միտման մեջ՝ գրանցելով մոտ 16% անկում։ Ընկերության մեկ բաժնետոմսի արժեքը մայիսի 22-ի դրությամբ կազմել է 341 ԱՄՆ դոլար։
Չինական ավտոարտադրողների բաժնետոմսերը շարունակում են նվազել՝ գնային պատերազմի և կարգավորող մարմինների կողմից ուժեղացված վերահսկողության պատճառով:
Հոնկոնգում գրանցված BYD ընկերության բաժնետոմսերը նվազել են մինչև 4%` կորցնելով նախորդ ժամանակաշրջանի արդյունքները։ Բաժնետոմսերի արժեզրկումը անցյալ շաբաթվա ռեկորդային բարձրակետի ճիշտ հակադարձն է։ Ներդրողները արձագանքեցին չինական էլեկտրական մեքենաների հսկայի մայիսի 23-ին հայտարարված գների իջեցումներին։
BYD-ն իր Seagull հեթչբեքի գինը նվազեցրել է 20%-ով՝ մինչև 55,800 չինական յուան (7,780 դոլար), մինչդեռ Seal երկշարժիչ հիբրիդային սեդանի գինը նվազեցվել է 34%-ով՝ մինչև 102,800 յուան Geely Automobile-ի բաժնետոմսերը նվազել են 3.16%-ով, իսկ Great Wall Motor Co-ն և Li Auto-ն կորցրել են համապատասխանաբար 1.1% և 2.37%: Միևնույն ժամանակ, Xpeng-ի բաժնետոմսերը նվազել են 1.73%-ով:
Nvidia-ի բաժնետոմսերը մոտ 5%-ով թանկացել են ընկերության կողմից հրապարակված առաջին եռամսյակի ֆինանսական արդյունքներից հետո։ Այս աճը բերեց բաժնետոմսերի՝ հունվարից ի վեր ամենաբարձր մակարդակին։ Nvidia-ի գործադիր տնօրեն Ջենսենի դրական հայտարարությունները արհեստական բանականության ենթակառուցվածքների պահանջարկի և նոր Blackwell չիպի աճի վերաբերյալ դրական ազդեցություն ունեցան։
Այս դրական սպասումները մեղմեցին ԱՄՆ-ի՝ Չինաստանի նկատմամբ սահմանած արտահանման սահմանափակումների պատճառով ընկերության եկամտի՝ մոտ 8 միլիարդ դոլարով նվազման կանխատեսումները։
Nvidia-ն եռամսյակում հայտնել է 44.1 միլիարդ դոլարի եկամտի մասին, ինչը գերազանցում է վերլուծաբանների կանխատեսած 43.3 միլիարդը։ Նախորդ տարվա նույն ժամանակահատվածի համեմատ, երբ ընկերության եկամուտը կազմել էր 26 միլիարդ դոլար։ Ընկերության մեկ բաժնետոմսի արժեքը մայիսի 29-ի դրությամբ կազմել է 139 ԱՄՆ դոլար։
ԴԻՄԵՔ ՄԵԶ՝
+374 11 888 118
Մենք օգնում ենք կառավարել ձեր խնայողությունները՝ ներդնելով միջազգային շուկաներում: Նպատակն է ապահովել բարձր եկամտաբերություն և ստեղծել անվտանգության բարձիկ:
Կազմակերպությունը վերահսկվում է ՀՀ Կենտրոնական Բանկի կողմից
