Տարեսկզբից ռուս միլիարդատերերի կարողությունն ընդհանուր ցուցանիշով նվազել է 60 միլիարդ դոլարով Ռուսաստանի ամենահարուստ մարդկանց կարողությունը 2022 թվականի սկզբից նվազել է 60 միլիարդ դոլարով: Վիճակագրությունը տարածել է Բլումբերգ Բիլիոներս Ինդեքսը: Ռուսաստանի երկրորդ ամենահարուստ մարդու՝ բնական գազարտադրող Novatek ընկերության համասեփականատեր Լեոնիդ Միխելսոնի կարողությունը նվազել է 5,73 մլրդ դոլարով, իսկ երրորդ ամենահարուստ ձեռնարկատեր, մետալուրգիական NLMK ընկերության հիմնական բաժնետեր Վլադիմիր Լիսինի կապիտալը նվազել է 5,5 մլրդ դոլարով: Ամենաշատը կորցրել է Severstal պողպատի և հանքարդյունաբերական ընկերության համասեփականատեր Ալեքսեյ Մորդաշովը՝ 8,2 մլրդ դոլար: