Հաջորդ տարվա հունվարին բրիտանական տնային տնտեսությունների համար էլեկտրաէներգիայի վճարը կարող է աճել մինչև տարեկան ավելի քան երեք հազար ֆունտի, ինչը, ըստ փորձագետների, սպառնում է «միլիոնավոր մարդկանց աղքատությամբ»:
Ըստ Cornwall Insight-ի վերլուծաբանների` բրիտանական Ofgem էներգետիկ կարգավորիչի՝ սպառողների համար սահմանած գազի և էլեկտրաէներգիայի գնային շեմը ընթացիկ «ռեկորդային» 145 հազար ռուբլուց հոկտեմբերին կաճի մինչև մոտ 240 հազար ռուբլու, իսկ հետո` մինչև մոտ 250 հազար ռուբլի հաջորդ տարվա սկզբին: Նշվում է, որ ընկերության վերջին կանխատեսումը նախորդ գնահատականների համեմատ կտրուկ աճ է ցույց տվել: Փորձագետների գնահատմամբ` գների նման բարձրացումը կարող է «միլիոնավոր մարդկանց աղքատության մեջ գցել», ուստի բրիտանական ընտանիքները «աղետալի» ձմռանը պետությունից շատ ավելի մեծ օգնության կարիք կունենան: Բրիտանացիներն արդեն իսկ պայքարում են սննդամթերքի և վառելիքի գների աճի դեմ, իսկ գնաճը, ըստ կանխատեսումների, մայիսին 9,1 տոկոսի բարձրանալուց հետո մինչև տարեվերջ կհասնի 11 տոկոսի:
Մեկնաբանություն