Սոցապնախարարությունը՝ անկանխիկ գործարքի դեպքում կենսաթոշակի և նպաստի 10 տոկոս հետվճարի ծրագրի մասին Սոցապնախարարությունը տեղեկացնում է, որ հուլիսին կատարած անկանխիկ գործարքի դիմաց հետվճարը թոշակառուի քարտին կփոխանցվի մինչև օգոստոսի 25-ը: Հաջորդ ամիսներին ևս ծրագիրը կգործի ընթացակարգով սահմանված ժամանակացույցի համաձայն, այսինքն` յուրաքանչյուր ամիս մինչև տվյալ ամսի 25-ը։Հիշեցնենք, որ կենսաթոշակը կամ նպաստն անկանխիկ եղանակով ստացող այն քաղաքացին, որը Հայաստանի տարածքում գործող առևտրի կետերում և ծառայություններ մատուցող կազմակերպություններում վճարային քարտերով ու վճարում ընդունող սարքերով կատարի գործարք, հաջորդ ամիս կստանա 10 %-ի չափով հետվճար, բայց ոչ ավելի քան 5,000 դրամը։