ՀՀ կառավարությունն ընդունել է որոշում, համաձայն որի՝ 2027 թվականի հունվարի 1-ից ընդլայնվում է այն ապրանքների ցանկը, որոնց մատակարարման գծով դուրս գրվող հաշվարկային փաստաթղթերում պարտադիր կերպով պետք է ներառվեն հսկիչ (նույնականացման) նշանների և դրանց քանակի վերաբերյալ տվյալները։
Ինչու է դա կարևոր. Որոշումն ուղղված է շրջանառության թափանցիկության բարձրացմանը, հարկային վարչարարության կատարելագործմանը և ստվերային տնտեսության կրճատմանը՝ հատկապես ակցիզային և խիստ վերահսկվող ապրանքների շուկայում:
Նոր կարգավորման շրջանակն ու ապրանքախմբերը.
Ընդգրկված ապրանքները. Պահանջը տարածվելու է համապատասխան ԱՏԳ ԱԱ ծածկագրերին դասվող հետևյալ ապրանքների վրա՝
Գարեջուր
Վիտամիններ
Պատվաստանյութեր
Դեղեր
Կոնտրաստային նյութեր
Հակաբեղմնավորիչներ
Ժամկետները. Տնտեսվարող սուբյեկտները պետք է ապահովեն էլեկտրոնային հաշվարկային փաստաթղթերում նույնականացման նշանների պարտադիր արտացոլումը սկսած 2027 թ. հունվարի 1-ից։
