Ի՞նչ է լինելու սննդի այն օբյեկտների հետ, որոնք գտնվում են Հրազդանի կիրճում Քաղաքապետարանը ցանկանում է կարգի բերել Հրազդանի կիրճը, քանի որ այն սարսափելի վիճակում է: Բնապահպան Ինգա Զարաֆյանի դիտարկմամբ, սակայն, չի հստակեցվում, թե կիրճի տարածքում գտնվող սննդի օբյեկտներն ինչ ճակատագիր են ունենալու, իսկ կիրճի տարածքում կան  երկու տասնյակից ավելի սննդի օբյեկտներ: Դրանք կառուցելու համար մեծ գումարներ են ներդրվել: Հիշեցնենք, որ Երեւանի քաղաքապետարանը ցանկանում է Հրազդանի կիրճին տալ բնապահպանական հատուկ կարգավիճակ: Երեւանի քաղաքապետարանի դիտարկմամբ՝ Հրազդանի կիրճը պետք է դառնա հանգստի եւ զբոսաշրջության գոտի։ Բացի դրանից, պետք է լուծվեն վերջին տարիներին առաջացած բնապահպանական խնդիրները։