Բիլ Գեյթսը իր ամբողջ կարողությունը կտրամադրվի բարեգործությանը

Microsoft-ի համահիմնադիր Բիլ Գեյթսը Twitter-ում հայտնել է, որ ապագայում մտադիր է իր գրեթե ամբողջ կարողությունը նվիրել Bill & Melinda Gates Foundation-ին, որը հիմնել է նախկին կնոջ`Մելինդայի հետ: ՙԵս կիջնեմ ներքեւ աշխարհի ամենահարուստ մարդկանց ցուցակում եւ ի վերջո դուրս կգամ դրանից՚,- գրել է նա: Forbes-ի վարկանիշի համաձայն`Գեյթսն այժմ չորրորդ տեղում է մոլորակի ամենահարուստ մարդկանց ցանկում` $122,1 միլիարդ կարողությամբ: Նա զիջում է Tesla եւ SpaceX ընկերությունների հիմնադիր Իլոն Մասկին, LVMH խմբի սեփականատեր Բեռնար Առնոյին եւ նրա ընտանիքին, նաեւ Amazon-ի հիմնադիր Ջեֆ Բեզոսին:Գեյթսն ասել է, որ այս ամիս կազմակերպությանը կփոխանցի $20 միլիարդ: Դա հիմնադրամին թույլ կտա բարեգործության վրա տարեկան ծախսը $6 միլիարդից հասցնել $9 միլիարդի: Ստեղծման օրվանից հիմնադրամը բարեգործական նպատակներով ծախսել է $79,2 միլիարդ, գրում է Forbes-ը: