Ավելի քան 28 հազար օտարերկրացի Հայաստանի բանկերում հաշիվ է բացել

Այս տարվա մարտից մինչև հուլիս մեր երկիր ժամանած 28 հազար 566 օտարերկրացի հայաստանյան բանկերում հաշիվ է բացել: Կենտրոնական բանկի տվյալով՝ հաշիվների քանակը 85 հազար 698 է: Մասնագետները սրա ազդեցությունը զգացել են տնտեսության և ֆինանսական շուկայի վրա: Հայաստանյան ֆինանսական համակարգին նման մեծ հոսքը հավելյալ հնարավորություններ է տալիս ամրանալու և դիմակայելու ճգնաժամերին, նաև գների փոփոխություն է դրա հաշվին տեղի ունենում՝ ընդգծում են մասնագետները: Այս վեց ամսվա ընթացքում, ըստ Ռուսաստանի վիճակագրության կոմիտեի, Հայաստան է եկել Ռուսաստանի մոտ 314 հազար քաղաքացի: Տնտեսագետների դիտարկմամբ՝ այստեղ հաշիվ բացած ոչ ռեզիդենտների մեծ մասը հենց Ռուսաստանից է: Փաստացի ստացվում է, որ եկածների ավելի քան 9 տոկոսը հայաստանյան բանկերի միջոցով ֆինանսական գործրքներ է իրականացնում: