Ամենաբարձր գնաճը գրանցվել է Երևանում, Հրազդանում և Գավառում

Վիճակագրական կոմիտեն հրապարակել է այս տարվա հունվար-հուլիսի սպառողական գների ինդեքսը: Այս տարվա հունվար-հուլիսին նախորդ տարվա նույն ժամանակահատվածի նկատմամբ սպառողական գներն ընդհանուր աճել են 8.3%-ով: Սննդամթերքը և ոչ ալկոհոլային խմիչքները 13.7%-ով, ալկոհոլային խմիչքները, ծխախոտային արտադրատեսակները 7.9%-ով, հագուստը և կոշիկը 9.3%-ով, բնակարանային ծառայությունները, ջուրը, էլեկտրաէներգիան, գազը և վառելիքի այլ տեսակները` 5.2%-ով, տնային գործածության առարկաները, կենցաղային տեխնիկան և բնակարանի ընթացիկ սպասարկումը՝ 6.1%-ով, առողջապահությունը՝ 1.2%-ով, տրանսպորտը` 6.6%-ով, կապը 0.3%-ով, հանգիստը և մշակույթը` 12.4%-ով, կրթությունը՝ 1.5%-ով, Ռեստորանները և հյուրանոցները՝ 6.0%-ով, տարբեր ապրանքները և ծառայություններ` 5.3%-ով: Նախորդ տարվա նույն ամսվա համեմատ ամենաբարձր գնաճը դիտարկվել է Երևանում 10.1%, Հրազդանում՝ 9.3% և Գավառում՝ 9.1%, ամենացածրը՝ Գյումրիում և Վաղարշապատում է եղել համապատասխանաբար 7.5% և 7.6%: