Ադրբեջանական ավիաընկերությունները դադարեցնում են բոլոր թռիչքները ՌԴ «Ադրբեջանական ավիաուղիներ» (AZAL) եւ «Buta Airways» ադրբեջանական ավիաընկերությունները մարտի 6-ից դադարեցնում են բոլոր թռիչքները դեպի Ռուսաստանի քաղաքներ, հաղորդում է ՏԱՍՍ-ը՝ վկայակոչելով ազգային ավիափոխադրողի՝ AZAL-ի հաղորդագրությունը։ «Ստացված տեղեկատվության համաձայն՝ վաղվանից միջազգային չվերթերի ժամանալ բխող ռիսկերի պատճառով՝ «Ռոսավիացիա»-ի առաջարկությամբ, ռուսաստանյան ավիաընկերությունների չվերթերը դեպի Ադրբեջան անորոշ ժամկետով դադարեցվում են։ Իրավիճակը պայմանավորված է նաեւ միջազգային ավիացիոն ապահովագրության եւ վերաապահովագրության շուկայում պատժամիջոցների հետ կապված վերջին փոփոխություններով։ Միջազգային թռիչքներ իրականացնելու ընթացքում լիարժեք ապահովագրության հնարավորության բացակայությունն անհիմն ռիսկեր է ստեղծում մեր երկրների քաղաքացիների, ավիաընկերությունների եւ այլ իրավաբանական անձանց համար։ Վերոնշյալի կապակցությամբ ադրբեջանական AZAL եւ Buta Airways ավիաընկերությունները մարտի 6-ին ժամը 08:00-ից (Մոսկվայի ժամանակով 07:00-ից) դադարեցնում են բոլոր թռիչքները դեպի ՌԴ քաղաքներ»,- ասված է հաղորդագրության մեջ։