Վաշինգտոնն ու Մոսկվան քննարկել են իրենց միջուկային զինանոցների կրճատման հարցը. Թրամփ

Վաշինգտոնն ու Մոսկվան քննարկել են իրենց միջուկային զինանոցների կրճատման հարցը. Թրամփ

ԱՄՆ նապագահ Դոնալդ Թրամփը հայտարարել է, որ Վաշինգտոնն ու Մոսկվան քննարկել են իրենց միջուկային զինանոցների կրճատման հարցը։

«Խոսում ենք հրթիռների, միջուկային զենքի և շատ այլ բաների մասին։ Ցանկանում ենք ներգրավել նաև Պեկինին։ Չինաստանը միջուկային զենքի հարցում կարող է հինգ տարի հետո հասնել մեզ։ Մենք ապամիջուկայնացում ենք ցանկանում»,- լրագրողների հետ զրույցում նշել է ԱՄՆ նախագահը՝ խոսելով Ալյասկայում Վլադիմիր Պուտինի հետ հանդիպման մասին:

Թրամփը տեղեկացրել է, որ վերջերս զրուցել է Չինաստանի նախագահ Սի Ծինփինի հետ։ Սպիտակ տան ղեկավարը հավելել է՝ այս կամ մյուս տարի մտադիր է մեկնել Պեկին:

«Երկուսս էլ խաղաքարտեր ունենք, բայց եթե ես դրանք կիրառեի, դա կոչնչացներ Չինաստանը: Հուսով եմ՝ կկարողանանք լավ հարաբերություններ կառուցել»,- եզրափակել է ԱՄՆ նախագահը: