«Հայաստանում բնակարանային ապահովման և հիփոթեքային շուկայի զարգացում» ծրագրի շրջանակում Հայաստանի և Վերակառուցման և զարգացման միջազգային բանկի (ՎԶՄԲ) միջև ստորագրվել են 284.4 միլիոն դոլարի ֆինանսական և դրամաշնորհային համաձայնագրեր: Այս մասին ԱԺ-ում հայտնել է Աշխատանքի և սոցիալական հարցերի նախարարի տեղակալ Լուսինե Քոչարյանը:
Ինչու է դա կարևոր. Ծրագիրը նպատակ ունի բնակարանային լուծումներ ապահովել շուրջ 109,000 տեղահանված անձանց համար, ընդլայնել հիփոթեքային շուկան և զարգացնել երկարաժամկետ բնակարանային քաղաքականությունը: Ֆինանսավորումն իրականացվելու է փուլ առ փուլ:
Ընթացիկ ծրագրի ցուցանիշները.
Հավաստագրեր. ԼՂ-ից բռնի տեղահանված ընտանիքների բնակապահովման աջակցության ծրագրով ներկայումս հավաստագիր է ստացել 6,125 ընտանիք:
Բյուջետային հատկացումներ. Պետական բյուջեից արդեն վճարվել է ավելի քան 6 միլիարդ դրամ:
