Ինչու է ոսկու գինը սկսել նվազել ռեկորդային աճից հետո

Ոսկու գները հինգշաբթի երեկոյան նվազել են 1.1%-ով և Comex բորսայում դեկտեմբերի ֆյուչերսները հաստատվել են 3854.6 դոլար մակարդակում՝ մեկ ունցիայի դիմաց։ Օրվա ընթացքում գինը հասել էր մինչև պատմական առավելագույն՝ 3923.3 դոլար։

Goldman Sachs-ի վերլուծաբանները նշում են, որ մասնավոր ներդրողների մեծ հետաքրքրությունը շարունակում է աջակցել ոսկու աճին։ Նրանց կանխատեսմամբ՝ եթե ներդրումների հոսքերը պահպանվեն, ոսկին կարող է 2026-ի կեսին անցնել 4000 դոլարի սահմանը, իսկ տարվա ավարտին հասնել մինչև 4300 դոլարի։

Ավելի վաղ վերլուծաբանական կենտրոնը չէր բացառել նաև 5000 դոլարի սցենարը՝ պայմանով, որ մասնավոր ներդրումները հասնեն ամերիկյան պետական պարտատոմսերին ուղղվող գումարների առնվազն 1%-ին։