Հայաստանի միջոցով Իրանից տարհանված ռուսաստանցիները վերադարձել են Մոսկվա

Իրանի դեմ ռազմական գործողությունների սկսվելուց ի վեր Հայաստանի միջոցով Ռուսաստան է վերադարձել ընդհանուր առմամբ 509 քաղաքացի։

Իրանից Հայաստան ժամանած 175 Ռուսաստանի քաղաքացի հատուկ չվերթով Երևանից մեկնել է Մոսկվա։ Այս մասին հայտնում է ՌԴ դեսպանատան մամուլի ծառայությունը։

Նրանք Հայաստան էին հասել «Բուշեր» ԱԷԿ-ի աշխատակիցների տարհանման շրջանակում՝ «Նուրդուզ»/«Ագարակ» անցակետով։

Դեսպանատան տվյալներով՝ Իրանի դեմ ռազմական գործողությունների սկսվելուց ի վեր Հայաստանի միջոցով Ռուսաստան է վերադարձել ընդհանուր առմամբ 509 քաղաքացի։

Ռուսական կողմը շնորհակալություն է հայտնել Հայաստանի իշխանություններին՝ օպերատիվ աջակցություն ցուցաբերելու և տարհանման գործընթացը կազմակերպելու համար։