ՌԴ-ն շարունակում է ջանքեր գործադրել Ուկրաինայի հակամարտությունը կարգավորելու համար․ Պեսկով

Ռուսաստանը շարունակում է ջանքեր գործադրել Ուկրաինայի հակամարտությունը խաղաղ ճանապարհով կարգավորելու համար. հայտարարել է ՌԴ նախագահի մամուլի խոսնակ Դմիտրի Պեսկովը «ՌԻԱ Նովոստի»-ի հետ զրույցում. «Ռուսաստանը պահպանում է հակամարտությունը քաղաքական-դիվանագիտական ճանապարհով կարգավորելու մոտեցումը: Սակայն դրա համար անհրաժեշտ է Ուկրաինայի փոխադարձությունը»:

Պեսկովը բարձր է գնահատել ԱՄՆ նախագահ Դոնալդ Թրամփի միջնորդական ջանքերը: «Մենք կարևորում ենք ԱՄՆ նախագահի խաղաղարար ջանքերը և հույս ունենք, որ դրանք կշարունակվեն: Այդ ջանքերը կարող են նպաստել կարգավորմանը»,- նշել է նա:

Ըստ Պեսկովի՝ Ռուսաստանի և ԱՄՆ-ի միջև Ուկրաինայի հարցով բանակցությունները պետք է ընթանան ոչ հանրային ձևաչափով. «Միայն այդպես կարելի է հասնել իրական արդյունքների»,- ընդգծել է Պեսկովը:

Նա մեկնաբանել է նաև Ալյասկայում Պուտին-Թրամփ հանդիպումը, նշելով, որ քննարկվել են Ուկրաինայի հակամարտության կարգավորման հետ կապված հարցեր: «Զրույցը շարունակությունն էր Ռուսաստանի կողմից իրականացվող աշխատանքի և Թրամփի վարչակազմի խաղաղարար ջանքերի»,- հայտնել է Պեսկովը: