«Ռուսական երկաթուղիներ» ընկերության նախագահը հաջորդ շաբաթ կժամանի Հայաստան՝ քննարկելու չգործող երկաթուղիների վերականգնման հարցերը: Այս մասին լրագրողների հետ զրույցում հայտնել է ՀՀ վարչապետ Նիկոլ Փաշինյանը:
Ինչու է դա կարևոր. Այցը ԵԱՏՄ շրջանակում ձեռք բերված նախնական պայմանավորվածության արդյունք է, որը կարող է գործնական փուլ տեղափոխել տարածաշրջանային երկաթուղային հաղորդակցությունների վերականգնման ծրագրերը:
Աշխատանքային քննարկումները և այլ հետաքրքրված կողմերը.
ԵԱՏՄ պայմանավորվածություն. Վարչապետի խոսքով՝ ԵԱՏՄ նախորդ նիստում ձեռք բերված համաձայնության համաձայն՝ կողմերը կանցկացնեն աշխատանքային քննարկում և կարձանագրեն հետևություններ:
Ռուսական առաջարկ. ՌԴ փոխվարչապետ Ալեքսեյ Օվերչուկն ավելի վերջերս վերահաստատել էր, որ Երասխի և Գյումրիից Կարս (Ախուրիկ) հատվածները վերականգնելու վերաբերյալ Երևանին արված առաջարկն ուժի մեջ է:
Ղազախական կողմի հետաքրքրվածությունը. Նիկոլ Փաշինյանը հայտնել է, որ Ախուրիկի և Երասխի հատվածների վերականգնման հարցով հետաքրքրություն է ցուցաբերել նաև ղազախական ընկերություն:
