Խոզի, տավարի ու հավի մսի, նաև Սերբիայից պանիրի, թրմօղիների և ծխախոտի ներմուծման նկատմամբ քվոտա սահմանվեց

Կառավարությունն իր այսօրվա՝ դեկտեմբերի 25–ի նիստում Հայաստանի տարածք ներմուծվող առանձին տեսակի գյուղատնտեսական ապրանքների նկատմամբ սակագնային քվոտա կիրառելու մասին որոշում կայացրեց։

Խոսքը խոշոր եղջերավոր անասունների մսի, խոզի մսի,  ընտանի թռչունների մսի և կաթնային շիճուկի ներմուծման քվոտայի մասին է։

Նշենք, որ արտաքին տնտեսական գործունեության մասնակիցների միջև վերոնշյալ  գյուղատնտեսական ապրանքների առանձին տեսակների Հայաստան ներմուծման թույլատրելի ծավալի բաշխումն իրականացվում է ՀՀ կառավարության սահմանված դրույթներին համապատասխան։

Մեկ այլ որոշմամբ կառավարությունը 2026–ի ընթացքում Սերբիայից Հայաստանի տարածք ներմուծվող սերբական ծագում ունեցող առանձին տեսակի ապրանքների նկատմամբ սակագնային քվոտա կիրառելու մասին որոշում կայացրեց։

Խոսքը մասնավորապես, հետևյալ ապրանքատեսակների մասին է՝ պանիրներ՝ 2․0 տոննա, թրմօղիներ՝ 5000 սպ․ լիտր, ծխախոտ՝ 2000 հազար հատ։