Նոյեմբերի 14-ի կարևոր լուրերը

Ինչ է կատարվել Հայաստանում և աշխարհում

Սաղաթելյանն ու Սամսոնյանը կալանավորվել են 2 ամսով
Վազգեն Սաղաթելյանն ու Նարեկ Սամսոնյանը կալանավորվել են 2 ամսով։ Պաշտպան Արսեն Բաբայանը տեղեկացրել է, որ որոշումը կբողոքարկվի։ Կալանքը կիրառվել է Ալեն Սիմոնյանի հաղորդման հիման վրա՝ «Իմնեմնիմի» փոդքասթում հնչած վիրավորանքների և սպառնալիքների կապակցությամբ։

ՀԱՄԱՍ–Իսրայել գերիների փոխանակումը վտանգված է
Գազայում զոհված պատանդների վերջին չորս մարմինների որոնումը բարդացել է, ինչը կարող է ձգձգել փոխանակման գործընթացը։ Մարմիններից մեկը պահում է «Իսլամական ջիհադը», մյուսների գտնվելու վայրը դեռ հստակ չէ։

Թուրքական հրշեջ ինքնաթիռը կործանվել է՝ օդաչուն զոհվել է
Խորվաթիա ուղևորվող թուրքական հրշեջ ինքնաթիռը կործանվել է ռադարի հետ կապը կորցնելուց հետո։ Օդաչուն, որը միայնակ էր ինքնաթիռում, մահացել է։

Իրանը դիմել է ՄԱԿ-ին՝ պահանջելով պատասխանատվություն Թրամփից
Իրանի ԱԳ նախարար Աբբաս Արաղչին ՄԱԿ-ին պահանջել է պատասխանատվության ենթարկել Թրամփին՝ Իրանի միջուկային օբյեկտներին հասցված հարվածների համար՝ նշելով, որ ԱՄՆ-ը պետք է փոխհատուցի հասցված վնասը։

Հայաստանի հավաքականը պարտվել է Հունգարիային
Հայաստանի ազգային հավաքականը 0:1 հաշվով պարտվել է Հունգարիային և զրկվել է անցումային փուլի ուղեգրի համար պայքարելու հնարավորությունից։

Վերակառուցվում է Հայանիստ–Արմավիր ճանապարհի փլուզված կամուրջը
Պետբյուջեի միջոցներով ընթանում են կամրջի կառուցման աշխատանքները։ Նոր հեծաններն ու մայթերը արդեն տեղափոխվել են, աշխատանքները շարունակվում են մեծ տեմպերով։