Միխայել Շումախերը այլևս անկողնային հիվանդ չէ

57-ամյա Շումախերը պրոֆեսիոնալ մրցարշավից հեռացել էր 2013 թվականին։

«Ֆորմուլա 1»-ի աշխարհի յոթակի չեմպիոն Միխայել Շումախերը այլևս անկողնային հիվանդ չէ։ Այդ մասին հայտնում է բրիտանական Daily Mail-ը՝ հղում անելով իր աղբյուրներին։

Ըստ հրապարակման՝ Շումախերը ներկայում տեղաշարժվում է անվասայլակով՝ բուժքրոջ և թերապևտի օգնությամբ։ Նշվում է, որ նա բնակվում է Իսպանիայի Մայորկա կղզու լեռնային հատվածում գտնվող իր առանձնատանը։

Միխայել Շումախերը ծանր գանգուղեղային վնասվածք էր ստացել 2013 թվականին՝ Ֆրանսիական Ալպերում դահուկներով սահելիս։ Դեպքից հետո նա երկար ժամանակ գտնվել է անկողնային վիճակում և միացված եղել արհեստական շնչառության սարքին։

57-ամյա Շումախերը պրոֆեսիոնալ մրցարշավից հեռացել էր 2013 թվականին։ Նա յոթ անգամ դարձել է «Ֆորմուլա 1»-ի աշխարհի չեմպիոն և հանդիսանում է ավտոսպորտի պատմության ամենատիտղոսակիր մարզիկներից մեկը։

Շումախերը երկրորդն է «Ֆորմուլա 1»-ի պատմության մեջ հաղթանակների (91), պատվո հարթակների (155) և փոլ-փոզիշնների (68) քանակով՝ զիջելով միայն Լյուիս Հեմիլթոնին։

Նյութում նշված տեղեկատվությունը հիմնված է բացառապես Daily Mail-ի հրապարակման վրա, իսկ ընտանիքը պաշտոնական մեկնաբանություն չի ներկայացրել։