Հոկտեմբերի 13-ին ՀՀ արտաքին գործերի և միջազգային առևտրի նախարարի տեղակալ Ռոբերտ Աբիսողոմոնյանը հանդիպել է Ասիական զարգացման բանկի (ԱԶԲ) հայաստանյան մշտական առաքելության տնօրեն Լյազիզա Սաբիրովայի հետ:
Ինչու է դա կարևոր. Հանդիպումը առանցքային է Հայաստան-ԱԶԲ երկարամյա գործընկերության ընդլայնման, տարածաշրջանային ենթակառուցվածքների զարգացման, ինչպես նաև Հայաստանում Կենսաբանական բազմազանության մասին կոնվենցիայի Կողմերի 17-րդ համաժողովի (COP17) նախապատրաստման տեսանկյունից:
Համագործակցության առանցքային ուղղությունները.
Փախստականներ և ենթակառուցվածքներ. Կարևորվել է ԱԶԲ-ի ակտիվ ներգրավվածությունը տեղահանվածների/փախստականների կարիքների հասցեագրման, ենթակառուցվածքային ծրագրերի և տնտեսության դիվերսիֆիկացման գործում:
Կլիմա և էներգետիկա. Քննարկվել են կլիմայական դիմակայունության, էներգաարդյունավետության բարձրացման և առևտրային կարողությունների ամրապնդման նախաձեռնությունները:
COP17 համաժողով. ԱԳՄԱ նախարարի տեղակալը բարձր է գնահատել ԱԶԲ-ի աջակցությունը Հայաստանում COP17-ի նախապատրաստական աշխատանքներին և կենսաբազմազանության պահպանման ֆինանսավորման խթանմանը:
