Լարի Էլիսոնը կարճ ժամանակով առաջ անցավ Իլոն Մասկին՝ դառնալով աշխարհի ամենահարուստ մարդ

Oracle-ի համահիմնադիր Լարի Էլիսոնը մի քանի ժամով շրջանցել է Իլոն Մասկին։

Աշխարհի ամենահարուստների ցուցակում անսպասելի շրջադարձ է գրանցվել․ Oracle-ի համահիմնադիր Լարի Էլիսոնը մի քանի ժամով շրջանցել է Իլոն Մասկին։

Bloomberg-ի տվյալներով՝ Էլիսոնի կարողությունը ավելացել է 89 միլիարդ դոլարով և հասել 383.2 միլիարդի՝ Oracle-ի բաժնետոմսերի ռեկորդային թռիչքի շնորհիվ։ Թռիչքի գլխավոր պատճառը արհեստական բանականության ոլորտում ամպային հզորությունների աննախադեպ պահանջարկն է։ Ընկերությունը վերջին ամիսներին ստորագրել է միլիարդավոր դոլարների պայմանագրեր, իսկ պատվերների ընդհանուր ծավալը հասել է 455 միլիարդի։

Չնայած նրան, որ մի քանի ժամով Էլիսոնը դարձավ մոլորակի ամենահարուստ մարդը, սակարկությունների ավարտին Մասկը վերականգնեց իր առաջատարությունը՝ 384.2 միլիարդ դոլար կարողությամբ։

Էլիսոնի հարստության այս աճը պատմության մեջ ամենամեծ մեկօրյա թռիչքն է, իսկ Oracle-ը իր հերթին առաջին անգամ մտել է S&P 500-ի 10 խոշորագույն ընկերությունների շարքը՝ անցնելով Walmart-ին և JPMorgan-ին։

Մասկը շարունակում է գլխավորել աշխարհի միլիարդատերերի վարկանիշները՝ մեծապես հիմնվելով Tesla-ի և SpaceX-ի հաջողությունների վրա։ Իսկ եթե Tesla-ի նոր փոխհատուցման ծրագիրը կյանքի կոչվի, Մասկին կարող է հասնել մինչև 1 տրիլիոն դոլարի կարողության։