ՀՀ քաղաքաշինության, տեխնիկական և հրդեհային անվտանգության տեսչական մարմինը (ՔՏՀԱՏՄ) հորդորում է վարորդներին և ավտոմեքենաների սեփականատերերին սեղմված բնական կամ հեղուկացված գազով աշխատող գազաբալոնային սարքավորումների տեղադրումն իրականացնել բացառապես համապատասխան լիցենզիա ունեցող տնտեսվարողների մոտ:
Ինչու է դա կարևոր. «Ավտոմոբիլային տրանսպորտի մասին» օրենքի 26.1-ին հոդվածի համաձայն՝ գազաբալոնների տեղադրումը կամ պարբերական վկայագրումը թույլատրվում է միայն լիցենզավորված կազմակերպություններին: Ոչ պատշաճ տեղադրումը կամ անվտանգության պահանջների խախտումը անմիջական վտանգ է ներկայացնում վարորդի, ուղևորների և ճանապարհային երթևեկության մյուս մասնակիցների համար:
Առանցքային պահանջներն ու հորդորը.
Տեղակայման վայրը. Լիցենզավորված տնտեսվարողը պարտավոր է գործունեությունն իրականացնել բացառապես լիցենզիայում և դրա ներդիրում նշված հասցեում:
Նախնական ստուգում. Տեսչական մարմինը հորդորում է նախքան աշխատանքները սկսելը համոզվել, որ ընտրված ընկերությունը կամ անհատ ձեռնարկատերն ունի անհրաժեշտ լիցենզիա:
Պաշտոնական ցանկ. Համապատասխան լիցենզիա ունեցող ընկերությունների ցանկը հրապարակված է լիազոր մարմնի պաշտոնական կայքում:
