Ամերիկացիների շրջանում անցկացված հարցումը ցույց է տվել, որ յուրաքանչյուր տասներորդն իր զուգընկերոջը բնորոշում է որպես «ֆինանսական բռնարար» (financial bully): Այնուամենայնիվ, շատ ընթերցողներ պնդում են, որ այս պիտակը հաճախ սխալմամբ տրվում է այն զուգընկերոջը, ով պարզապես փորձում է ողջամիտ և պատասխանատու վերաբերմունք ցուցաբերել ընտանեկան բյուջեի նկատմամբ։
Guardian-ի կողմից անցկացված հարցման արդյունքները ցույց են տալիս, որ շատերը զուգընկերոջ ծախսերին հետևելը համարում են ոչ թե ճնշում, այլ սովորական պլանավորում և ֆինանսական գրագիտություն։
«Սա բռնություն չէ, այլ ողջամիտ վերահսկողություն»
Guardian-ի շատ ընթերցողների կարծիքով՝ ընտանեկան բյուջեի շուրջ տարաձայնությունները բնական են։ Ընթերցողներից մեկը պատմում է, որ ինքն է հանդիսանում ընտանիքի հիմնական եկամուտ ապահովողը, մինչդեռ ամուսինը հաճախ առանց քննարկման խոշոր գումարներ է ծախսում ռեստորաններում և ժամանցի վրա՝ ընտանիքին թողնելով սահմանափակ միջոցներով։ Նրա պնդմամբ՝ հաշվի մնացորդը ստուգելն ու անհարկի ծախսերի մասին զգուշացնելը բռնություն չէ, այլ անհրաժեշտություն՝ վարձավճարն ու սննդի ծախսերը ապահովելու համար։
Բռնությո՞ւն, թե՞ պասիվ ագրեսիա
Մեկ այլ ընթերցող, պատմում է իր փորձառության մասին։ Նրա նախկին ամուսինը պարբերաբար վատնում էր վարձակալության և սննդի համար նախատեսված գումարները տաքսիների ու ռեստորանների վրա։ Երբ Սիլվան ստիպված եղավ ինքնուրույն կազմել բյուջեն և սահմանափակել ամուսնու անձնական ծախսերը, վերջինս, ընկերների հարցերին ի պատասխան, հայտարարում էր, թե «կինն իրեն թույլ չի տալիս ճաշել ռեստորանում»։ Այս իրավիճակը հարց է բարձրացնում՝ ով էր իրականում ֆինանսական ճնշում գործադրողը։
Անհեռատես ծախսերի երկարատև ազդեցությունը
Զուգընկերոջ անպատասխանատու ֆինանսական վարքագիծը կարող է տարիների ծանր հետևանքներ թողնել։
Ապահարզան ստացած ընթերցողներից մեկը պատմում է, որ նախկին ամուսնու կողմից վարկային քարտերի վատնումը ընտանիքին հասցրել էր $23,000 դոլարի պարտքի։
Մեկ այլ պատմության համաձայն՝ նախկին ամուսնու կախվածությունների և ֆինանսական զեղծարարությունների պատճառով կինը ստիպված է եղել տարիներ շարունակ մարել նրա կուտակած պարտքերը, ինչը յոթ տարով փչացրել է նրա վարկային պատմությունը։
Երբ ծախսերը անհավասար են բաշխվում
Շատերի կարծիքով՝ ֆինանսական բռնությունը ի հայտ է գալիս այն ժամանակ, երբ միջոցները հավասարապես չեն բաշխվում կամ վերահսկողությունը դառնում է միակողմանի։
Ֆինանսական բռնությունից մինչև վերահսկողություն
Անհավասարության պատճառով որոշ զուգընկերներ սկսում են թաքցնել իրենց գնումները։ Համաձայն Credit Repair-ի անցկացրած հարցման՝ տղամարդկանց 24%-ը և կանանց 43%-ը զուգընկերներից թաքցնում են հագուստի գնումները։
Նյու Յորքում բնակվող մի կին պատմում է իր ծանր փորձառության մասին։ Ամուսնության առաջին տարիներին, չունենալով անձնական եկամուտ, նա ենթարկվում էր ծայրահեղ ֆինանսական վերահսկողության։ Ամուսինը սահմանափակում էր նույնիսկ սննդի և հագուստի ընտրությունը, վերահսկում էր էլեկտրահաղորդակցության ծախսերը և ստուգում հեռուստացույցի ջերմությունը՝ համոզվելու համար, որ այն ավելորդ չի միացվել։
Տարիներ անց, սեփական եկամուտ ունենալով, նա սկսել է թանկարժեք գնումներ կատարել և դրանք թաքցնել ամուսնուց՝ որպես անցյալի ճնշումների փոխհատուցում։
