Հնդկաստանում ոստիկանությունը աղավնու է ձերբակալել

Հնդկաստանում ոստիկանությունը աղավնու է ձերբակալել:

Հնդկական Ջամմու քաղաքում ոստիկանությունը բռնել է մի աղավնու, որի թաթին կապված է եղել գրություն՝ տեղի երկաթուղային կայարանը պայթեցնելու սպառնալիքով։ Այս մասին հայտնում է The Indian Express-ը։

Ըստ իրավապահների, թռչունը բռնվել է դեռևս օգոստոսի 18-ի երեկոյան՝ Պակիստանի հետ սահմանազատման գծի մոտ գտնվող Կաթմարիա շրջանում։ Ուրդու և անգլերեն լեզուներով գրության մեջ եղել են Kashmir Freedom և Time has come բառերը, ինչպես նաև նախազգուշացում՝ պայթուցիկ սարքի միջոցով կայարանի ծրագրվող պայթեցման մասին։

Աղբյուրները նշել են, որ սա արձանագրված առաջին դեպքն է, երբ սպառնալիքը հասցվել է հենց աղավնու միջոցով։ Պակիստանյան կողմից արդեն իսկ տարբեր ուղերձներով օդապարիկներ, դրոշներ և թռչուններ են բաց թողել։

Ուժային կառույցներն ուժեղացրել են անվտանգության միջոցառումները. կայարանի և երկաթուղային գծերի պահպանությանը ներգրավվել են կինոլոգներ և սակրավորներ, իսկ ոստիկանությունն անցել է բարձր պատրաստականության ռեժիմի։ Մասնագետները ստուգում են՝ արդյոք սա ինչ-որ մեկի կատա՞կն է, թե՞ մտածված դավադրության մաս։

Փորձագետները կարծում են, որ աղավնին կարող էր հատուկ վարժեցված լինել նման հաղորդագրություններ հասցնելու համար։ Նրանք ընդգծում են, որ նման դեպքերին իշխանությունները ստիպված են վերաբերվել առավելագույն լրջությամբ։