ՀՀ-ում սպասվում է հիմնականում առանց տեղումների եղանակ՝ առանձին շրջաններում ձյան և քամու ուժգնացման պայմաններում

Հունվարի 28-ին մայրաքաղաքում հնարավոր է մառախուղ։

Հանրապետության տարածքում հունվարի 28-ին, հունվարի 29-ի ցերեկը, ինչպես նաև հունվարի 30–31-ին սպասվում է առանց տեղումների եղանակ։ Հունվարի 29-ի գիշերը և փետրվարի 1-ին առանձին շրջաններում կանխատեսվում է ձյուն, իսկ լեռնային գոտիներում՝ բուք և հորիզոնական տեսանելիության նվազում։

Քամին կլինի հարավարևմտյան՝ 2–5 մ/վ արագությամբ։ Հունվարի 30–31-ին առանձին շրջաններում սպասվում է քամու ուժգնացում՝ մինչև 15–18 մ/վ։

Հունվարի 28-ին Շիրակի դաշտի ցածրադիր հատվածներում, Արագածոտնի և Կոտայքի նախալեռներում, ինչպես նաև Արարատյան դաշտում սպասվում է մառախուղ։

Օդի ջերմաստիճանը հունվարի 28–31-ի ցերեկային ժամերին աստիճանաբար կբարձրանա 4–6 աստիճանով։

Երևանում հունվարի 28-ին, հունվարի 29-ի ցերեկը և հունվարի 30–31-ին կանխատեսվում է առանց տեղումների եղանակ։ Հունվարի 29-ի գիշերը և փետրվարի 1-ին սպասվում է ձյուն։ Հունվարի 28-ին մայրաքաղաքում հնարավոր է մառախուղ։