Գազայի հատվածում ճգնաժամը շարունակվում է

Գազայի հատվածում ճգնաժամը շարունակվում է:

Գազայի հատվածում ռազմական գործողությունները շարունակվում են: Պաղեստինցիների շրջանում զոհերի թիվը հասնում է 62,900-ի: Շուրջ 160.000 մարդ վիրավորվել է: Վերջին 24 ժամում սովից մահացել է ևս տասը պաղեստինցի, այդ թվում՝ երկու երեխա: Թերսնումից մահացածների ընդհանուր թիվը 313 է, որոնցից 119-ը՝ երեխա։

Գազա քաղաք իսրայելական ուժերի ներխուժման պատճառով սրվել է նաև պաղեստինցիների նոր տեղահանման հարցը: ՑԱՀԱԼ-ից հայտարարել են, որ դա անխուսափելի է, խոստացել տեղահանվողներին մարդասիրական աջակցություն տրամադրել:

Այս ֆոնին ԱՄՆ պետքարտուղարը Վաշինգտոնում ընդունել է Իսրայելի արտաքին գործերի նախարարին։

Մարկո Ռուբիոն վերահաստատել է Միացյալ Նահանգների հանձնառությունը Իսրայելի անվտանգության ապահովմանը: Գիդեոն Սաարն էլ հայտարարել է, որ չնայած միջազգային հանրության կոչերին՝ Իսրայելը թույլ չի տա Պաղեստին Պետություն ստեղծել: