FT. Ներդրողները զարգացող շուկաներից դուրս են բերել ռեկորդային $38 միլիարդ Օտարերկրյա ներդրողները զարգացող շուկաներից հինգ ամսում դուրս են բերել մոտ $38 միլիարդ, գրում է Վեդոմոստի-ն՝ վկայակոչելով Financial Times-ին: Արտահոսքի ծավալը ռեկորդային է դարձել դիտարկումների ամբողջ ընթացքում՝ 2005 թվականից: Հիմնական պատճառներն, ըստ վերլուծաբանների, գլոբալ ռեցեսիայի եւ գնաճի մտավախություններն են, ԱՄՆ-ում տոկոսադրույքների ագրեսիվ բարձրացումը եւ Չինաստանում տնտեսական աճի դանդաղումը։Միջոցների արտահոսքը կարող է սրել զարգացող երկրներում աճող ֆինանսական ճգնաժամը, նշում է FT-ն։ Վերջին երեք ամսվա ընթացքում Շրի Լանկան հայտարարել է դեֆոլտ իր սուվերեն պարտքով, իսկ Բանգլադեշը եւ Պակիստանը դիմել են Արժույթի միջազգային հիմնադրամի օգնությանը: