Եվրախորհրդարանը բացարձակ մեծամասնությամբ ընդունեց Հայաստանին սատարող բանաձևը

Բանաձևը վերահաստատում է ԵՄ աջակցությունը Հայաստանի ժողովրդավարությանը և եվրոպական ինտեգրմանը։

Բրյուսելում կայացած լիագումար նիստի ժամանակ Եվրոպական խորհրդարանը քվեարկության դրեց և ընդունեց Հայաստանի վերաբերյալ նոր բանաձև։ Փաստաթղթին կողմ է քվեարկել 476 պատգամավոր, դեմ՝ 47, ձեռնպահ՝ 48։

Բանաձևը վերահաստատում է ԵՄ աջակցությունը Հայաստանի ժողովրդավարությանը և եվրոպական ինտեգրմանը։ Հատկանշական է, որ Եվրոպական խորհրդարանն իր աջակցությունն է հայտնում 2026թ. հունիսին կայանալիք խորհրդարանական ընտրությունների ազատ և արդար անցկացմանը։ Փաստաթղթում կարևորվում է նաև 2026թ. մայիսին Երևանում նախատեսվող Եվրոպական քաղաքական համայնքի գագաթնաժողովը։ Բանաձևը դատապարտում է Ռուսաստանի կողմից տեղեկատվական մանիպուլյացիաները և պահանջում Ադրբեջանում պահվող հայ գերիների անհապաղ ազատ արձակումը։