Տնտեսական ակտիվության աճը Հայաստանում՝ 2025-ի հունվար-հուլիսին

Շինարարությունն ու վարկավորումը դառնում են Հայաստանի տնտեսական աճի հիմնական շարժիչ ուժերը:

2025 թվականի հունվար-հուլիս ամիսներին Հայաստանում տնտեսական ակտիվությունն աճել է 7.0%-ով՝ նախորդ տարվա համեմատ։ Աճը հիմնականում ապահովվել է ծառայությունների ոլորտի (+10.6%), առևտրի (+3.9%) և հատկապես շինարարության (+20.2%) զարգացմամբ։ Տվյալները ներկայացված են Եվրասիական զարգացման բանկի տեղեկագրում։

Միաժամանակ արդյունաբերությունը շարունակել է անկումը՝ գրանցելով 9.8% կրճատում տարեկան կտրվածքով։ Սակայն հուլիսին նկատվել է դրական փոփոխություն․ արտադրությունը աճել է 4.2%-ով, ինչը առաջին անգամ է 2024 թվականի հոկտեմբերից ի վեր։

Գործարար ակտիվությունը խթանվում է շինարարության և հիփոթեքային վարկավորման բարձր տեմպերով․ հունիսին հիփոթեքային վարկերն աճել են 31%-ով։ Բարձր է նաև սպառողական վարկավորման դինամիկան, որը շարունակում է նպաստել ներքին պահանջարկի աճին։