Քննարկվել է Լոս Անջելես-Երեւան ուղղությամբ ուղիղ թռիչքների հնարավորությունը

Դեսպան Մկրտչյանն ընդգծել է ուղիղ չվերթի կարեւորությունը Հայաստանի համար:

Նոյեմբերի 13-ին ԱՄՆ-ում ՀՀ դեսպան Նարեկ Մկրտչյանը հանդիպում է ունեցել United Airlines-ի Միջազգային համագործակցության հարցերով տնօրեն Չաիթան Ջեյնի հետ։

Դեսպանատան փոխանցմամբ՝ հանդիպման ընթացքում կողմերը քննարկել են Լոս Անջելես-Երեւան ուղղությամբ ուղիղ թռիչքների հնարավորությունը։

Դեսպան Մկրտչյանն ընդգծել է ուղիղ չվերթի կարեւորությունը Հայաստանի համար՝ հաշվի առնելով հայ սփյուռքի զգալի ներկայությունը հատկապես Լոս Անջելեսում։ Միաժամանակ, Չայթան Ջեյնը ներկայացրել է United Airlines-ի ռազմավարական առաջնահերթությունները, ոլորտի վերջին միտումները եւ գործառնական պայմանները։