Միլիարդավոր եկամուտներ. Pop Mart-ը գրավում է աշխարհը Labubu-ի ժպիտով

Չինական Pop Mart խաղալիքների ընկերությունը, որը հայտնի է իր Labubu խաղալիքով, շարունակում է թափ հավաքել ինչպես ներքին, այնպես էլ՝ արտաքին շուկաներում։ Ընկերության հիմնադիր և տնօրեն Վան Նինը հայտարարել է, որ Pop Mart-ը լավ ընթացքի մեջ է՝ 2025-ին հասնելու իր նպատակային մոտ 2.78 մլրդ դոլար եկամուտին, իսկ այս տարում մոտ 4.18 մլրդ դոլար մուտքերը «բավական հեշտ» կլինի ապահովել։

Այս հայտարարությունը հաջորդել է ընկերության ռեկորդային կիսամյակային արդյունքներին, ըստ որոնց մաքուր շահույթը աճել է շուրջ 400%-ով, հատկապես, արտահանման բարձր շահութաբերությամբ շուկաների շնորհիվ։ Ընկերության բաժնետոմսերը Հոնկոնգի բորսայում աճել են ավելի քան 5%-ով։

Pop Mart-ն ակտիվորեն ուսումնասիրում է ընդլայնման հնարավորությունները Միջին Արևելքում, Կենտրոնական Եվրոպայում և Ամերիկայի զարգացող շուկաներում։ Միայն ԱՄՆ-ում, որտեղ ընկերությունն արդեն ունի մոտ 40 խանութ, նախատեսվում է բացել ևս 10 խանութ մինչև տարեվերջ։

Labubu-ն, որն ունի հատուկ ատամնավոր ժպիտ և պատկանում է «The Monsters» շարքին, ստեղծվել է Կասինգ Լունգի կողմից և դարձել է միջազգային թրենդ, այդ թվում՝ Ռիհանայի և Դևիդ Բեքհեմի շնորհիվ։ Այս շաբաթ Pop Mart-ը նախատեսում է թողարկել Labubu-ի մինի տարբերակը, որը կարելի է կցել հեռախոսներին։

Ընկերության տվյալներով՝ «The Monsters» շարքը այս տարվա առաջին կիսամյակում ապահովել է մոտ 670 մլն դոլար եկամուտ, կազմելով ընդհանուր եկամտի 34.7%-ը։