1. Ուկրաինական ԱԹՍ-ների նոր հարվածները Մոսկվային և Սանկտ Պետերբուրգին. Wildberries-ի կորուստները հասել են 280 միլիարդ ռուբլու
Ուկրաինական անօդաչուները հարվածել են Մոսկվայի և Սանկտ Պետերբուրգի տարածքներին:
Զոհեր և վնասներ. Չեխով քաղաքի արդյունաբերական գոտում Wildberries-ի պահեստների վրա հարվածի հետևանքով զոհվել է 5, վիրավորվել՝ 6 մարդ: Հրդեհվել են պահեստներ, վնասվել են էլեկտրական ենթակայանն ու վարչական շենքը: Թիրախավորվել է նաև Կրասնի Բորում գտնվող պահեստը:
Վնասի չափը. Ռուսական Forbes-ի գնահատմամբ՝ հուլիսին Wildberries-ը կորցրել է իր պահեստային հզորությունների առնվազն 17%-ը, իսկ վնասը կազմել է շուրջ 280 միլիարդ ռուբլի:
2. Բաքուն դարձյալ նախապայման է դնում. Սահմանադրության փոփոխությունը՝ Խաղաղության պայմանագրի նախապայման
Ադրբեջանի նախագահի օգնականը հայտարարել է, որ Խաղաղության պայմանագրի ստորագրման համար Հայաստանի Սահմանադրությունից պետք է հանվի Ադրբեջանի և Թուրքիայի նկատմամբ տարածքային պահանջներ ենթադրող հոդվածը:
Բաքվի պնդումը. Ադրբեջանցի պաշտոնյայի խոսքով՝ այդ փոփոխությունից հետո պայմանագրի ստորագրման համար խոչընդոտներ չեն լինի: Նա նաև նշել է, թե ազդակներ են ստանում Հայաստանում նոր սահմանադրության ընդունման գործընթացի մեկնարկի մասին:
3. Աշխարհի առաջատար համալսարանների 459 շրջանավարտներ անցել են ՀՀ պետական համակարգում աշխատելու 2-րդ փուլ
ՀՀ կառավարությունը ստացել է 1141 հայտ՝ աշխարհի լավագույն բուհերի շրջանավարտներից, ում վարչապետ Նիկոլ Փաշինյանը հրավիրել էր աշխատելու պետական ապարատում:
Ընտրության ընթացքը. Նախնական ուսումնասիրության արդյունքում 459 թեկնածու (դիմորդների ~40%-ը) անցել է երկրորդ փուլ: Հարցազրույցներից հետո կձևավորվի Կառավարության կադրային բանկը, իսկ մի շարք դիմորդների վարչապետն արդեն որոշել է նշանակել բարձր պաշտոններում:
4. ՌԴ ներկայացուցիչը խոսել է ՀԱՊԿ-ում Հայաստանի ձայնի իրավունքի և մնալու նպատակահարմարության մասին
ՀԱՊԿ-ում Ռուսաստանի մշտական ներկայացուցիչ Վիկտոր Վասիլևը անդրադարձել է կառույցում Հայաստանի կարգավիճակին:
Դիրքորոշումը. Վասիլևը խոսել է ՀԱՊԿ-ում Հայաստանի մնալու նպատակահարմարության, ինչպես նաև նրան ձայնի իրավունքից զրկելու հնարավորության մասին՝ ընդգծելով, որ նման որոշումների ընդունման համար պահանջվում է կոնսենսուս:
5. Սննդի առաքման ոլորտում խստացված վերահսկողություն է սկսվել. 2-3 հազար առաքիչ պետք է սանգրքույկ ունենա
Օգոստոսի 1-ից ՍԱՏՄ-ն լայնածավալ վերահսկողություն է սկսել սննդի առաքման ծառայությունների նկատմամբ:
Պատճառները. Խստացումները պայմանավորված են քաղաքացիների բողոքներով՝ առաքիչների արտաքին տեսքի, առողջական վիճակի և պայուսակների հիգիենայի վերաբերյալ: Շուրջ 2–3 հազար առաքիչ պետք է անցնի բուժզննում և ունենա սանիտարական գրքույկ, հակառակ դեպքում կկիրառվեն վարչական պատժամիջոցներ:
