Արմանիի վերջին կտակը. նորաձևության տունը պատրաստում են վաճառքի

Արմանիի վերջին կտակը. նորաձևության տունը պատրաստում են վաճառքի

Ջորջիո Արմանիի կտակը, որը հրապարակվել է մեկ օր առաջ, բացահայտել է ապրանքանիշի ապագայի ծրագրերը. լեգենդար իտալացի նորաձևության դիզայները նախատեսում էր իր ընկերության բաժնեմասի վաճառքը խոշոր լյուքս խմբի, հաղորդում է Bloomberg-ը։

Փաստաթղթի համաձայն՝ Արմանիի հիմնադրամը պետք է 18 ամսվա ընթացքում վաճառի Giorgio Armani S.p.A.-ի բաժնետոմսերի 15%-ը աշխարհի արդյունաբերական հսկաներից մեկին՝ LVMH-ին, EssilorLuxottica-ին, L'Oréal-ին կամ նմանատիպ մակարդակի այլ ընկերությանը։

Ժառանգության փոխանցումից երեք տարի անց գնորդը կկարողանա իր բաժնեմասը հասցնել 54.9%-ի, ինչը գործնականում կբացի նորաձևության տան ձեռքբերման ճանապարհը։

Կտակում նշվում է, որ Արմանիի ժառանգությունը բաժանված է իր հիմնադրամի, ընտանիքի և իր վաղեմի գործընկեր Լեո Դել'Օրկոյի միջև, որին դիզայները անվանել է իր «աջ ձեռքը»։ Նրանք կորոշեն, թե ում վստահել ապրանքանիշի վերահսկողությունը։

Այնուամենայնիվ, որոշ ոլորտներ շարունակում են հաջողակ լինել, օրինակ՝ Acqua di Gio օծանելիքները, որոնք արտադրվում են L'Oréal-ի լիցենզիայով։

2024 թվականի գարնանը Bloomberg-ին տված հարցազրույցում Արմանին խոստովանել էր, որ չի բացառում ապագայի տարբեր սցենարներ։ «Իմ աշխատանքը միշտ աչքի է ընկել փոփոխվող ժամանակներին հարմարվելու ունակությամբ»,-ասել է նա։

Այժմ հարմարվողականությունը նրա ժառանգների և ապագա ռազմավարական գործընկերոջ խնդիրն է։