Եվրոպայում պահեստարաններում գազի պաշարների մակարդակը նվազել է 93%-ից․ «Интерфакс».

Նոյեմբերի վերջին եվրոպական ստորգետնյա պահեստարաններում գազի պաշարների մակարդակը իջել է 93%-ից, ինչը գրեթե 11 տոկոսային կետով գերազանցում է վերջին հինգ տարվա միջին ցուցանիշը։ Եվրամիության երկրներին հաջողվել է նման բարձր նշաձողի հասնել վառելիքի խնայողության միջոցառումների շնորհիվ, հաղորդում է «Ինտերֆաքսը»։ «Պաշարների ներկա մակարդակը նվազել է մինչև 92.8%, ինչը 10.6 տոկոսային կետով բարձր է վերջին հինգ տարիների նույն ամսաթվի միջին ցուցանիշից։ Նոյեմբերի 30-ի գազի օրվա ընթացքում պաշարները «կորցրեցին» մոտ 0,38 տոկոսային կետով»,- ասվում է հոդվածում։ Սակայն ձմեռային ջեռուցման սեզոնի ամենադժվար շրջանը դեռ չի եկել, զգուշացրել է ռուսական «Գազպրոմ» էներգետիկ հոլդինգը։ Նրանք կարծում են, որ այս ձմռանը ստորգետնյա գազապահեստարանների ծանրաբեռնվածությունը կլինի ավելի մեծ՝ համեմատած վերջին տարիների նույն ժամանակահատվածների հետ։ Դա պայմանավորված է տարածաշրջանի պետությունների համար փոխված լոգիստիկայի և գազամատակարարման աղբյուրների դիվերսիֆիկացմամբ,- նշվում է հոդվածում։