Պատժամիջոցների պատճառով ռուսական բանկերը 6 ամսում կորցրել են 25 մլրդ դոլար․ Financial Times

Ռուսական բանկերը 2022 թվականի առաջին կիսամյակում կորցրել են 1,5 տրիլիոն ռուբլի կամ 25 միլիարդ դոլար ՝ Արևմուտքի պատժամիջոցների պատճառով։ Այս մասին ռուսական RBC-ին տված հարցազրույցում ասել է Ռուսաստանի Կենտրոնական բանկի ղեկավարի տեղակալ Դմիտրի Տուլինը,- փոխանցում է FT-ն։ «Պատժամիջոցները վնաս են հասցնում ռուսական բանկերին ՝ թույլ չտալով նրանցից ոմանց առևտուր անել դոլարով, եվրոյով և այլ փոխարկելի արժույթներով: Դա ստիպեց նրանց վնասներ կրել արժույթի սվոպների ժամանակ և վերագնահատել իրենց պորտֆելները», - ասել է Թուլինը: Տուլինի խոսքով, այս տարվա առաջին կիսամյակում վնասներ են կրել Ռուսաստանի համակարգային առումով կարևոր բանկերի 40%-ը, որոնք Ռուսաստանի խոշորագույնն են և ունեն կապիտալի ավելի բարձր պահանջներ։