Ուկրաինան ցանկանում է ընդլայնել Ստամբուլի հացահատիկի պայմանագիրը այլ ապրանքների վրա ևս․ Financial Times

Ուկրաինան ակնկալում է, որ Ստամբուլի համաձայնագիրը, որը թույլ է տվել Օդեսայի մարզի երեք նավահանգիստների ապաշրջափակումը հացահատիկի արտահանման համար, կարող է տարածվել նաև այլ ապրանքների վրա, ինչպիսիք են մետաղական արտադրանքները,- գրում է Financial Times-ը։ «Այս համաձայնագիրը լոգիստիկայի, Սև ծովով նավերի տեղաշարժի մասին է, ի ՞նչ տարբերություն հացահատիկի և երկաթի հանքաքարի միջև, - թերթը մեջբերում է էկոնոմիկայի փոխնախարար, Ուկրաինայի առևտրային ներկայացուցիչ Տարաս Կաչկային։ Ստամբուլի համաձայնագրով ուկրաինական հացահատիկով առաջին Razoni նավը Չորնոմորսկ նավահանգստից դուրս է եկել օգոստոսի 1-ին. այն շարժվում է դեպի Լիբանան, իսկ ուրբաթ առավոտյան գրեթե հասել է Հռոդոս կղզի։ Օգոստոսի 5-ին Օդեսայի նավահանգիստներից մեկնեց առաջին նավախումբը ՝ բաղկացած երեք նավերից ՝ Նավի Սթար, Ռոժեն և Պոլարնետ։ Նրանք կմեկնեն Թուրքիա, Մեծ Բրիտանիա, Իռլանդիա։ Կաչկայի խոսքով ՝ հուլիսին Ուկրաինային հաջողվել է արտահանել մոտ 3 մլն տոննա հացահատիկ ՝ այլընտրանքային ճանապարհներով, երկաթուղով և Դանուբ գետով։ Սա այն ծավալի կեսից էլ քիչ է, որ արտահանվում էր ծովային նավահանգիստներով մինչ այդ։Ագրարային քաղաքականության նախարարությունը կանխատեսում է, որ այս տարի Ուկրաինայում կհավաքվի 67 միլիոն տոննա հացահատիկ՝ 2021 թվականի ռեկորդային 86 միլիոն տոննայի դիմաց։Նույնիսկ Սև ծովի մեղմացված շրջափակման դեպքում ուկրաինացի ֆերմերները ավելի համեստ ցանքատարածություն կունենան, ավելացրել է Կաչկան։