«Ведомости». ռուսական գազի ամսական արտահանումը կրճատվել է 40%-ով Հունիսին Ռուսաստանից գազի արտահանումը կազմել է 633 մլրդ ռուբլի, նավթը ՝ 605 մլրդ ռուբլի, մետաղագործական արտադրանքը ՝ 172 մլրդ ռուբլի։ Նման տեղեկություն Ռուսաստանի Դաշնության Ֆինանսների նախարարությունում տարածաշրջանների համար կազմակերպված սեմինարի ժամանակ ներկայացրել է Դաշնային հարկային ծառայությունը,- հաղորդում է «Վեդոմոստին»։ Թերթը գրում է, որ գազի արտահանումը ամսական կտրվածքով կրճատվել է 40%-ով, մինչդեռ մայիսին էներգակիրների վաճառքը կազմել է ավելի քան 1 տրիլիոն ռուբլի։ Այս ընթացքում հումքի մատակարարումը նվազել է 10%-ով ՝ 670 մլրդ ռուբլուց մայիսին ՝ մինչև 605 մլրդ ռուբլի հունիսին: Մետաղագործական արտադրանքի արտահանումը նվազել է մոտ 30%-ով ՝ 258 մլրդ ռուբլուց մայիսին ՝ 172 մլրդ ռուբլի հունիսին: Մայիսին արտահանողների եկամուտը դոլարային արտահայտությամբ կազմել է 16,2 մլրդ դոլար, հունիսին ՝ 11,1 մլրդ դոլար։ Ավելի վաղ Foreign Policy-ն պնդում էր, որ այս ձմռանը աշխարհը կկանգնի Ռուսաստանի դեմ արևմտյան պատժամիջոցների հետևանքով առաջացած առանց այն էլ ծանր էներգետիկ ճգնաժամի սրման։ Կոլումբիայի համալսարանի կլիմայի ամբիոնի դեկան Ջեյսոն Բորդոֆը կարծում է, որ աշխարհը ներկայումս ապրում է առաջին համաշխարհային էներգետիկ ճգնաժամը, և դրա հետևանքները դրսևորվում են ամենուր։ Նրա խոսքով ` մարդկանց ապագայում սպասվում է վատագույնը: