Եվրոպան դադարեցնում է ռուսական ածխի գնումը

Օգոստոսի 10-ից ԵՄ անդամ երկրները դադարեցնում են Ռուսաստանից ածուխ գնելը։ Այս սահմանափակումը համաձայնեցվել է որպես պատժամիջոցների հինգերորդ փաթեթի մաս, որը հաստատվել է 2022 թվականի ապրիլին։ Օգոստոսի 10-ին ավարտվում է անցումային շրջանը, որի ընթացքում թույլատրվել են ռուսական ածխի գնումները։ Այս մասին ճեպազրույցում հիշել է Եվրահանձնաժողովի ներկայացուցիչ Էրիկ Մամերը։Նրա խոսքով, չնայած էներգետիկ ճգնաժամին, Եվրոպան  տեսնում է դա որպես հանածո վառելիքի սպառումը նվազեցնելու հնարավորություն։ Եվրահանձնաժողովը վստահ է, որ ԵՄ բոլոր երկրները կպահպանեն այս սահմանափակումը։ 2021 թվականին Ռուսաստանը ԵՄ երկրներ է մատակարարել այս հումքի ընդհանուր արտահանման 21,8%-ը։ ԵՄ երկրները պայմանավորվել են մինչև 2050 թվականը կառուցել էկոլոգիապես մաքուր տնտեսություն։ Դրա պատճառով ԵՄ անդամներից շատերը կրճատել են ածուխի օգտագործմամբ էլեկտրաէներգիայի արտադրությունը: