Հայաստանն Արցախին կտրամադրի 20 մլրդ դրամ վարկ

Հայաստանը պետական բյուջեից Արցախին կտրամադրի 20 մլրդ դրամով միջպետական վարկ: Կառավարությունը ընդունել է որոշումը: Միջպետական վարկը Արցախի Հանրապետության կառավարությանը տրամադրվում է տարեկան 0,01 տոկոս դրույքով, մինչև 2026 թվականի հունվարի 1-ը մարման ժամկետով՝ վարկի հիմնական գումարի և դրա նկատմամբ հաշվեգրվող տոկոսագումարների վճարումը վարկի մարման ժամկետում իրականացնելու պայմանով։ Վարկը տեղահանված բնակիչների համար Լեռնային Ղարաբաղի տարածքում բնակելի տների կառուցման և կահավորման, նաև բանկերի հանդեպ ունեցած պարտավորությունների ֆինանսավորման համար է։