«Известия»․ ԵՄ-ն և ՌԴ -ն Կալինինգրադի մարզ ապրանքների տարանցման վերաբերյալ համաձայնության են եկել

«Իզվեստիա» թերթը, վկայակոչելով ռուսական կողմի բարձրաստիճան աղբյուրները, պնդում է, որ Եվրամիությունն ու Ռուսաստանի Դաշնությունը պայմանավորվել են Կալինինգրադի մարզ բեռների տարանցման շուրջ։ Թերթի զրուցակիցը պնդում է, որ Բրյուսելը Մոսկվային տրամադրել է մի փաստաթուղթ, որը «ամբողջովին բավարարել է» ռուսական կողմին։Հրապարակման աղբյուրը հայտնել է, որ Բրյուսելի և Վիլնյուսի միջև վերջնական փաստաթղթի համաձայնեցումը շարունակվում է արդեն մի քանի շաբաթ։ Թերթի զրուցակիցը պնդում է, որ փաստաթղթում ասվում է, որ Ռուսաստանի Դաշնության սուբյեկտների միջև ապրանքների տեղաշարժը չի կարող սահմանափակվել։ Այսպիսով, Կալինինգրադի մարզ գնացող ապրանքները պետք է արտահանվեն հակառուսական պատժամիջոցների ցուցակներից դուրս մնալու շրջանակներում։ Ակնկալվում է, որ դա կներառի երկաթուղային և ավտոմոբիլային տրանսպորտը։ Ավելի վաղ Լիտվայում Ռուսաստանի գործերի ժամանակավոր հավատարմատար Սերգեյ Ռյաբոկոնը հայտարարել էր, որ Ռուսաստանի պատասխանը Վիլնյուսի կողմից Կալինինգրադի մարզ տարանցման դադարեցմանը կարող է լինել լիտվական բեռնափոխադրող ընկերությունների աշխատանքի արգելքը, որոնք զբաղվում են Ռուսաստանից բեռնափոխադրումներով։