Եվրագոտու գնաճը հունիսին տարեկան կտրվածքով հասել է ռեկորդային ՝ 8,6 տոկոսի

Նախնական տվյալների համաձայն ՝ 2022 թվականի հունիսին եվրագոտու 19 երկրներում տարեկան գնաճն արագացել է մինչև 8,6 տոկոս։ Այս տվյալները հրապարակել է Եվրոստատի մամուլի ծառայությունն իր կայքում։ Մեկ ամիս առաջ այդ ցուցանիշը կազմում էր 8,1%, ապրիլին ՝ 7,4%։ DailyFX հարթակի կողմից հարցված վերլուծաբաններն ակնկալում էին գների աճի արագացում մինչև 8,4%: Եվրագոտում գնաճն աճում է էներգիայի և պարենային ապրանքների գների աճի պատճառով։ Որոշ փորձագետներ նշում են, որ գնաճն ակտիվորեն խթանվում է բազմամիլիարդ դոլարների սուբսիդիաներով, որոնք բաշխվում են ԵՄ երկրների և Եվրոպական հանձնաժողովի կողմից ՝ որպես COVID-19 համաճարակի դեմ պայքարի մաս 2020 թվականից: Կանաչ էներգիայի խթանմանն ուղղված միջոցառումները նույնպես ազդեցություն ունեն։ Բացի այդ, գների բարձրացմանը նպաստում է ռազմական ծախսերի ավելացումը ՝ կապված Ուկրաինայի հակամարտության հետ։ Երեկ Ամերիկյան ֆերմերային բյուրոյի դաշնությունը հայտնել է, որ հուլիսի 4-ին Անկախության օրը բացօթյա ավանդական երեկույթի արժեքը երկրի բնակիչներին այս տարի կարժենա միջինը 17%-ով ավելի, քան 2021 թվականին։