Fitch Ratings-ը հաստատել է Հայաստանի վարկանիշը

Fitch Ratings վարկանիշային գործակալությունը հաստատել է Հայաստանի երկարաժամկետ արտարժույթով թողարկողի դեֆոլտի վարկանիշը (IDR) «BB-» մակարդակում՝ «կայուն» կանխատեսմամբ։ Fitch Ratings նշում է, որ վարկանիշը արտացոլում է մեկ շնչին բաժին ընկնող եկամուտների, կառավարման եւ գործարար միջավայրի ցուցանիշները, ինչպես նաեւ կայուն մակրոտնտեսական եւ հարկաբյուջետային քաղաքականության շրջանակը՝ միջազգային վարկատուներին հաստատված հասանելիությամբ: Գործակալությունը նշում է, որ ուժեղ կողմերի հետ մեկտեղ կան նաեւ խնդիրներ. արտարժույթով արտահայտված պետական պարտքի բարձր (թեեւ նվազող) մասնաբաժինը, համեմատաբար թույլ արտաքին ֆինանսները եւ ֆինանսական հատվածի բարձր դոլարիզացիան: Fitch-ն արձանագրում է, որ երկրորդ տարին անընդմեջ Հայաստանը գրանցել է ուժեղ տնտեսական աճ՝ 2023 թվականին իրական ՀՆԱ-ն աճել է մոտ 7,4%-ով: Գործակալությունը կանխատեսում է, որ 2024 թվականին Հայաստանի ՀՆԱ աճը կկազմի 6 %: Fitch Ratings նկատում է,  Հայաստանի տնտեսությունը մեծապես կախված է Ռուսաստանից առեւտրի եւ էներգետիկայի առումով եւ մոտ ապագայում նշանակալի դիվերսիֆիկացում չի սպասում: Մանրամասները՝ banks.am կայքում