Աճող փոխարժեքների շարքում առաջատարներից է ռուբլին․ բրազիլական ռեալը բացարձակ առաջատարն է

Ռուսական ռուբլին 2022 թվականի սկզբից դարձել է ԱՄՆ դոլարի նկատմամբ աճի առաջատարներից մեկը զարգացող շուկաների արժույթների շարքում։ Նման եզրակացության են եկել ՌԻԱ Նովոստիի փորձագետները։ Բրազիլական ռեալը բացարձակ առաջատարն է զարգացող արժույթների շարքում. Forex բորսայում տարեսկզբից մինչև ապրիլի 29-ը այն ամրապնդվել է դոլարի նկատմամբ 14%-ով։ Մոսկվայի բորսայում ռուսական ռուբլին թանկացել է 6,2%-ով։Զարգացող շուկայի այլ արժույթներից տարեսկզբից դոլարի նկատմամբ թանկացել են կոլումբիական պեսոն (+2,5%), հարավաֆրիկյան ռանդը (+1,8%) և մեքսիկական պեսոն (+0,9%)։   Փորձագետները ռուբլու ամրապնդման առանցքային գործոն են անվանել արտահանման եկամուտների ներհոսքը ռուսական շուկա, որը վերջին երկու ամսում կազմել է օրական 1,7 մլրդ դոլար։ Դրա շնորհիվ ռուսական արժույթը դարձել է աշխարհում միակը, որը վերջին մեկ ամսվա ընթացքում թանկացել է ԱՄՆ դոլարի նկատմամբ։ITI Capital-ից Իսկանդեր Լուցկոն խոստովանել է, որ դոլարի փոխարժեքը կարող է իջնել մինչև 65 ռուբլի, սակայն դա այժմ ձեռնտու չէ Ռուսաստանի իշխանությունների համար, քանի որ բյուջեն լցնելու անհրաժեշտությունը գնալով մեծանում է, իսկ տնտեսությունն այժմ միտված է արտահանմանը։