Անցնող շաբաթվա այլ կարևոր իրադարձությունները ֆինանսական շուկաների համար. Finarm

-ԱՄՆ աշխատանքի դեպարտամենտի զեկույցի համաձայն մարտ ամսին երկրում աշխատատեղերի թիվն ավելացել է 303,000-ով (կանխատեսվում էր 205,000), իսկ գործազրկության մակարդակը 3.9%-ից նվազել է մինչև 3.8%:

-Եվրագոտու երկրներում գնաճը մարտ ամսին տարեկան կտրվածքով անսպասելիորեն նվազել է մինչև 2.4%՝ նախորդ ամսվա 2.6%-ից հետո։

-Մասնագետներն իրենց կանխատեսման մեջ Դաշնային պահուստային համակարգի կողմից այս տարվա ընթացքում տոկոսադրույքների նվազեցումների քանակն իջեցրել են մինչև 2 նվազեցում՝ պայմանավորված մարտ ամսին աշխատաշուկայի բարձր ցուցանիշներով:

-ԱՄՆ-ում չմշակված նավթի գները հասել են հոկտեմբեր ամսից ի վեր ամենաբարձր մակարդակին, ինչը պայմանավորված է Միջին արևելքում ձևավորված կոնֆլիկտային իրավիճակի հետևանքով նավթի մատակարարումների նվազմամբ։ Մասնավորապես, Brent տեսակը նավթի ֆյուչերսների գինն աճել է 0.5%-ով։

-Ռուսաստանում փետրվար ամսին գործազրկության մակարդակը հասել է իր պատմական նվազագույն մակարդակին՝ 2.8%: