Եվրախորհրդարան. ԵՄ ավիաընկերությունները լրջորեն տուժել են հակառուսական պատժամիջոցներից

Եվրամիության ավիաընկերությունները ծանր հարված են ստացել Ռուսաստանի դեմ պատժամիջոցներից: Այս մասին ասված է Եվրախորհրդարանի (ԵԽ) բանաձևի նախագծում,- փոխանցում է «ՌԻԱ Նովոստին»։ Ինչպես նշված է նախագծում, ավիացիոն ոլորտը բախվում է ծախսերի աճի, երթուղիների փոփոխման և չեղարկման հետ: Փաստաթղթում նշվում է, որ Ռուսաստանի Դաշնության և Բելառուսի օդային տարածքով թռչելու երթուղու ավելացումը մեկ ուղղությամբ տևում է մինչև չորս ժամ, ինչը հանգեցնում է լիցքավորման հետ կապված խնդիրների և անձնակազմի աշխատանքային օրվա ավելացմանը։ Եվրախորհրդարանը նաև ուշադրություն է հրավիրել մոտ ապագայում ինքնաթիռների կառուցման մեջ օգտագործվող տիտանի մատակարարման հնարավոր ընդհատումների վրա, որոնց հիմնական արտադրողներն են Ռուսաստանը և Ուկրաինան։   Նրանք նաև կոչ են արել Եվրոպական հանձնաժողովին գնահատել և, անհրաժեշտության դեպքում, ներկայացնել տուժած ավիաընկերություններին և նրանց աշխատակիցներին աջակցելու ռազմավարություն: Ավելի վաղ ֆրանսիացիները բողոքել էին հակառուսական պատժամիջոցների պատճառով ավիափոխադրումների թանկացումից։