Bloomberg. Ճապոնիան մայիսից հետո առաջին անգամ Ռուսաստանից նավթի խմբաքանակ կստանա

Ճապոնիան շուտով Ռուսաստանից նավթի առաջին խմբաքանակը կստանա ավելի քան վեց ամսվա ընթացքում։ Այս մասին չորեքշաբթի հայտնել է Bloomberg-ը ՝ վկայակոչելով նավերի շարժի տվյալները։Այն վերլուծել է նշված տեղեկատվությունը և պարզել, որ չորեքշաբթի օրը Ռուսաստանի Դաշնության Հեռավոր Արևելքում գտնվող Սախալին-2 օբյեկտում նավթով բեռնված «Զալիվ Բայկալ» լցանավն արդեն ուղեւորվում է Ճապոնիա։ Հարևան երկիրը մայիսից չի ստացել ռուսական նավթ, հիշեցնում է գործակալությունը։ «Սախալին-2» նախագծին բաժին է ընկնում Ճապոնիայի հեղուկ բնական գազի (LNG) սպառման գրեթե 9%-ը: Այս ծավալը գրեթե ամբողջությամբ օգտագործվում է էլեկտրաէներգիայի արտադրության համար ՝ ապահովելով երկրում դրա արտադրության 3%-ը։ Ճապոնիայի կառավարությունը բազմիցս հայտարարել է իր ծայրահեղ շահագրգռվածության մասին Սախալին-2-ից LNG-ի և նավթի մատակարարման հարցում: ԱՄՆ-ի և Եվրամիության համաձայնությամբ դրանք ժամանակավորապես հանվում են Ռուսաստանից նավթի ներկրման գնային առաստաղի հետ կապված որոշումների գործողությունից։