Երևանը մեկ բաժակի շուրջ

Մեկ բաժակ գինի, լավ տրամադրություն, մեկ նպատակ՝ հանուն Հայաստանի գիներգոծության զարգացման։ Տարվա ամենախոշոր գինետոնը իր դռները բացեց գինի արտադրողների, գինու սիրահարների և հազարավոր զբոսաշրջիկների համար, որոնք իրենց օրակարգում հատուկ տեղ էին հատկացրել հայկական գինիները համտեսելու համար։ Մոսկովյան, Սարյան, Թումանյան փողոցներում Ակբա բանկի և Վիզա միջազգային համակարգի աջակցությամբ անցկացվում է Երևանի գինու օրերը․ մասնակից մի քանի տասնյակ արտադրողներ դեմ առ դեմ հանդիպում են իրենց սպառողի հետ, տեղում նրանց հյուրասիրում են ու ծանոթացում նոր տեսականու հետ։ «Մաթևոսյան» գինու գործարանը ցուցադրել է նաև սև խաղողից վարդագույն երանգով Ռոզե տեսակի գինին, որը մեկ ամսից արդեն շուկայում կհայտնվի։ Ընկերության տնօրենը պատմում է՝ Մաթևոսյան գինին ընտանեկան բիզնես է՝ հայրը գործարանում գինու որակի պատասխանատուն է, որդին կրթություն է ստանում գինեգործություն մասնագիտացմամբ․ այլ կերպ չեն կարող՝ գինին իրենց տան անդամն է։ Մաթևոսյան գինու գործարանը հիմնել են 2001 թվականին և 21 տարվա ընթացքում դաշտում իրենց տարբերվող տեղն ու ձեռագիրն են ստեղծել։ Հետ նայելով՝ չեն կարողանում մոռանալ՝ կառուցման հենց առաջին օրից իրենց բիզնեսին ձեռք է մեկնել Ակբա բանկը։ «Ամենանեղ պահերին Ակբա բանկը յուրահատուկ ձևով մեզ փորձել է միշտ օգնել, և նույնիսկ այսօր էլ է օգնել, և չենք տեսնել այնպիսի մի պահ, որ մենակ մնաք։ Մենակ չի թղնում թե՛ մթերում, թե՛ սարքավորումների ձեռքբերում թեկուզ անհնարինը անում է մեզ համար Ակբա բանկը»,- պատմեց ընկերությաբ ղեկավարը։ Արտադրանքի 90 տոկոսն արտահանում են․ Մաթևոսյան վայնին ծանոթ են Միացյալ Նահանգներից մինչև Ռուսաստանի գինեսերները։