8 բան, որ երբեք չպետք է անեք աշխատանքային համակարգչում

Ձեր աշխատանքային համակարգիչը ձեր սեփականությունը չէ, և այդ փաստը կարևոր հետևանքներ կարող է ունենալ։ Այն վերահսկվում է ձեր գործատուի կողմից, և բոլոր գործողությունները կարող են գրանցվել՝ սկսած պարզ այցելություններից մինչև սեղմումների պատմություն։

Ստորև ներկայացնում ենք 8 ամենահաճախ հանդիպող սխալները, որոնք պետք է խուսափել անել աշխատանքային սարքավորումներով՝ տվյալների անվտանգության, մասնագիտական էթիկայի և աշխատանքային հարաբերությունների պահպանման համար։

1. Մի՛ թողեք համակարգիչը բաց վիճակում

Համակարգչից հեռանալիս անպայման արգելափակեք էկրանը։ Նույնիսկ մի քանի րոպեով բաց թողնված սարքը կարող է հնարավորություն տալ ցանկացած գործընկերոջ կամ անցորդի մուտք գործել ձեր փոստ, փաստաթղթեր կամ այլ գաղտնի տվյալներ։ Օգտվեք Win + L (Windows-ի դեպքում) կամ Ctrl + Command + Q (Mac-ի դեպքում) համադրություններից։

2. Մի՛ տեղադրեք չստուգված ծրագրեր կամ app-եր

Անօրինական կամ չստուգված ծրագրերը կարող են վարակել ձեր համակարգիչը և ամբողջ կորպորատիվ ցանցը։ Նույնիսկ «անմեղ» հավելումները, ինչպիսին են որոշ պարզ ափեր, կարող են պարունակել վնասակար կոդեր։ Համոզվեք, որ ծրագրերը բեռնվում են միայն պաշտոնական աղբյուրներից և ՏՏ բաժնի համաձայնությամբ։

3. Մի՛ օգտագործեք անձնական սոցիալական ցանցեր

Թեև գուցե փորձեք ընդմիջմանը մի քանի րոպե անցկացնել FB-ում կամ Instagram-ում, նման գործողությունները կարող են համարվել անպատասխանատու։ Շատ կազմակերպություններ խստորեն վերահսկում են աշխատանքային ցանցերի օգտագործումը, և նման ակտիվությունը կարող է վնասել ձեր մասնագիտական համբավին։ Լավագույնը՝ սոցիալական ցանցերը թողնել անձնական հեռախոսի համար։

4. Մի՛ պահեք անձնական ֆայլեր կորպորատիվ համակարգչում

Անձնական փաստաթղթերը, լուսանկարները, կամ նույնիսկ երաժշտությունը համակարգչում պահելը վատ գաղափար է։ Սարքը կարող է ցանկացած պահի վերագործարկվել կամ ստուգվել ադմինիստրատորի կողմից։ Եթե ստիպված եք օգտագործել ֆայլեր՝ օգտվեք ամպային ծառայություններից (օրինակ՝ Google Drive կամ Dropbox) և անպայման դուրս եկեք ձեր հաշիվներից։

5. Մի՛ պահպանեք գաղտնաբառեր browser-ում

Չնայած որ browser-ում գաղտնաբառերը պահպանելը հարմար է, դա անվտանգության լուրջ ռիսկեր է առաջացնում։ Աշխատանքային գաղտնաբառերը պետք է կառավարվեն հատուկ ծրագրերով, օրինակ՝ ընկերության կողմից հաստատված գաղտնաբառերի մենեջերներով։ Իսկ անձնական հաշիվների գաղտնաբառերը երբեք մի պահեք կորպորատիվ սարքերում։

6. Մի՛ կատարեք առցանց գնումներ

Կորպորատիվ համակարգչում բանկային քարտի տվյալներ մուտքագրելը՝ նույնիսկ «անվնաս» գնումներ կատարելիս, կարող է բացել ճանապարհ տվյալների արտահոսքի համար։ Շատ ավելի ապահով է առցանց գնումները կատարել ձեր անձնական սարքից, երբ գտնվում եք անձնական ցանցում՝ ոչ թե ընկերության wi-fi-ով։

7. Մի՛ անջատեք հակավիրուսային պաշտպանությունը

Հաճախ օգտատերերը փորձում են «արագացնել» համակարգչի աշխատանքը՝ անջատելով անվտանգության հավելվածները։ Սա լուրջ սխալ է։ Կորպորատիվ պաշտպանությունը ստեղծված է ոչ միայն ձեր, այլև ամբողջ ընկերության համակարգերի անվտանգությունը պահպանելու համար։ Այն անջատելը կարող է համարվել կանոնների խախտում և հանգեցնել պատասխանատվության։

8. Մի՛ փնտրեք նոր աշխատանք կորպորատիվ սարքից

Այո, սա ինքնին բացասական մեսիջ է գործատուի համար։ Աշխատանքի տեղավորման հարթակների օգտագործումը աշխատանքային ժամերին, և հատկապես՝ կորպորատիվ համակարգչից, ցույց է տալիս, որ դուք արդեն հեռանալու տրամադրվածություն ունեք։ Դա կարող է ազդել նաև ղեկավարության վերաբերմունքի վրա՝ նույնիսկ եթե դուք դեռ պաշտոնապես ոչինչ չեք նախաձեռնել։

***

Ձեր աշխատանքային համակարգիչը գործիք է՝ տրամադրված կոնկրետ նպատակով։ Եթե այն օգտագործում եք ոչ նպատակի համապատասխան, դուք կարող եք վնասել թե ձեր անվտանգությանը, թե՝ ձեր հեղինակությանը։ Հիշեք՝ ամեն սեղմում կամ գործողություն կարող է գրանցվել։ Եվ նույնիսկ եթե վերահսկողություն չկա, լավ մասնագիտական վարվելակարգը երբեք ավելորդ չէ։