Ինչպես հասկանալ՝ քո բիզնեսը կարիք ունի փոփոխությա՞ն, թե՞ գովազդի

Բիզնեսի տեմպի դանդաղումը երբեմն կարող է հուշել լուրջ խնդիրների մասին, իսկ երբեմն՝ պարզապես մարքեթինգային թերի մոտեցման։ Շատ գործարարներ հաճախ շփոթում են այս երկուսը՝ ժամանակ ու ռեսուրսներ վատնելով սխալ ուղղությամբ։ Այս հոդվածում կխոսենք այն նշանների մասին, որոնք կօգնեն քեզ տարբերել՝ արդյոք բիզնեսդ կարիք ունի կառուցվածքային փոփոխությունների, թե պարզապես նոր և խելացի գովազդային ռազմավարության։

Երբ է բիզնեսը կարիք ունենում փոփոխության

1. Կայուն անկում վաճառքներում (նույնիսկ ակտիվ գովազդի պարագայում)

Եթե արդեն փորձում ես մարքեթինգային տարբեր գործիքներ, սակայն վաճառքները շարունակաբար նվազում են, սա կարող է ցույց տալ ավելի խորը խնդիր. օրինակ՝ ապրանքի/ծառայության ոչ արդիական լինելը, գների քաղաքականության խնդիր, կամ հաճախորդների սպասելիքներին չհամապատասխանելը։

2. Բարձր հաճախելիություն, բայց ցածր փոխակերպում (conversion rate)

Եթե կայքդ կամ ֆիզիկական խանութդ այցելում են, բայց գնումներ չեն կատարվում, նշանակում է առաջարկվող արժեքը, փաթեթավորումը կամ վաճառքի գործընթացը խնդիր ունեն։

3. Հաճախորդների վերադարձի ցածր մակարդակ

Անհավատարիմ հաճախորդները հուշում են, որ բիզնեսդ չի կարողանում կապ ստեղծել հաճախորդի հետ։ Սա կարիք ունի ոչ թե գովազդի, այլ բիզնեսի կառուցվածքի կամ սպասարկման բարելավման։

4. Ոչ հստակ բրենդային դիրքավորում

Եթե մարդիկ չեն կարողանում հստակ ասել՝ ինչով է քո բիզնեսն առանձնանում շուկայում, ուրեմն անհրաժեշտ է վերաիմաստավորել քո բրենդը, առաջարկած արժեքը ու բիզնես մոդելը։

Երբ է բիզնեսը կարիք ունենում գովազդի

1. Նոր, օգտակար ապրանք, որը դեռ չեն ճանաչում

Եթե ապրանքդ նոր է, բայց ունես վստահություն որ արժեք ունի, իսկ մարդիկ դեռ չգիտեն դրա մասին՝ գովազդը հենց այն է, ինչ պետք է։ Այս պարագայում հիմնական խնդիրն ինֆորմացիայի բացակայությունն է։

2. Դրական կարծիքներ ունես, բայց աճ չկա

Եթե հաճախորդները գոհ են, կրկին գնում են, բայց նորերը չեն գալիս՝ խնդիրն ինֆորմացիայի տարածման մեջ է։ Քո գործը գիտեն միայն սահմանափակ մարդիկ։

3. Սոցցանցերում գրեթե անտեսանելի ես

Բիզնեսները, որոնք ներկայում չունեն ակտիվ թվային ներկայություն, շատ արագ դուրս են մնում մրցակիցների ցանկից։ Այս պարագայում հարկավոր է ուժեղ մարքեթինգային ռազմավարություն։

4. Շուկան ի վիճակի է ընդունել քեզ, բայց չես նկատվում

Եթե առաջարկդ համարժեք է մրցակիցներին կամ նույնիսկ՝ ավելի լավն է, բայց մարդիկ նախընտրում են ուրիշներին՝ գովազդի բացակայությունը կարող է պատճառ լինել։ Շուկան քեզ պարզապես չի տեսնում։

Ինչ անել

Եթե խնդիրը փոփոխություն է՝

• Վերլուծիր քո առաջարկած արժեքը

• Վերանայի՛ր գնային քաղաքականությունդ

• Փորձի՛ր հասկանալ՝ ինչն է իրականում պետք քո թիրախային հաճախորդին

Եթե խնդիրը գովազդն է՝

• Ստեղծիր կոնկրետ մարքեթինգային ռազմավարություն

• Ներկայացիր սոցիալական մեդիայում ու աշխատիր ազդեցիկ կոնտենտի վրա

• Օգտվիր թիրախավորված գովազդներից (Facebook Ads, Google Ads և այլն)